Aktîvîsto sîyasî, nuştox, edîtor, weşanger û organîzator Dimitrios Roussopoluso ke Montreal de maneno peynîya serranê 1950an ra nata bi hawayêkê aktîfî tewrê înîsîyatîfanê haştîye, projeyanê ekolojîkan û têgêrayîşanê kooperatîfan bi. O 2001 ra nata Beşê Demokrasî yê Şaredarîya Montrealî îdare keno. 

Dimitrios Roussopolus derheqê hêrişanê kîmyewîyan ê dewleta tirke de ANFyî rê qisey kerd.

Dimitrios Roussopolusî bale ante bêvengîya Neteweyan ê Yewbîyayeyan ser û vat: ''Rixmê hende vate û îdîayan Neteweyê Yewbîyayeyî raporan amade nêkenê û verê do nêdanê na mesele. Rêxistina Qedexekerdişê Çekan ê Kîmyewîyan (OPCW) pabesteyê NYyî ya la seke dezgehêkê xoserî xebitîyena. OPCWyî zî derheqê hêrişanê kîmyewîyan ê dewleta tirke de cigêrayîşêk nêkerd.''

Dimitrios Roussopolusî pare kerd ke ganî warê mîyanneteweyî de vera dewleta tirke tedbîrî bêrê girewtene û vat: ''Ganî astêka berze de delegasyonêko mîyanneteweyî bêro awankerdene. Ganî no delegasyon cayanê hêrişan de cigêrayîş bikero, rapor amade bikero û nê raporî pêşkêşê dezgehan bikero. Seba awankerdişê delegasyonê winasênî ganî şar teda bikero. Ma zî wazenê sey heyetêkî şorê nê waran de cigêrayîş bikerê.''