Seba ke Hukmatê Başûrî bira dardekerdişî ya seba Mazlum Dag û Abdurrahman Erî wedaro şaristananê Cenevre û Bernî yê Swîsre de çalakîyî ameyî kerdene.

Bern

Înîsîyatîfê Paştdayîşê bi Dag û Erî Bern de bi beşdarîya keye û hêzanê demokrasî çalakîyêke kerde. Çalakîye de pankarta bi nuşteyê 'Dardekerdiş sûcê merdimîye yo' û fotografê Dag û Erî ameyî akerdene.

Çalakîye de eşkerayîye ameye wendene û dima Mesut Alagaşî qisey kerd. Alagaşî ard ziwan ke ganî na bire cade bêra wedaritene. Nameyê Înîsîyatîfî ser o zî Firat Anilî qisey kerd û heman çi waşt.

Cenevre

Keyeyê Er û Dagî zî tede xeylêk kesî verê Ofîsê Komîserîya Berze ya Heqanê Merdiman ê Neteweyan ê Yewbîyayeyan de ameyî pêser û înan çalakîyêke kerde.

Nameyê keyeyan ser o Necmettîn Erî û Hemserekê Merkezê Komelê Demokratîkî yê Kurdan Salîh Saglamî qisey kerd. Qiseykerdişan de ame îfadekerdene ke dardekerdiş sûcê merdimîye yo û ganî bira dardekerdişî nêra caardene.

Çalakîye de vilawekê bi fransizkî ameyî vilakerdene.