Lîsteya kes û dezgehanê ke morê xo da binê Kampanyaya 'Wext ameyo, Ocalanî rê azadîye' bi wesîleya 10ê Kanûne Roja Heqanê Merdiman a Dinya hetê Înîsîyatîfê 'Ocalanî rê Azadîye, Kurdîstanî rê Haştîye' ra ameye eşkerakerdene. Lîsteya beşdaran nê lînkî ser o peyda bena: (www.freeocalan.org). 

Bi desan dezgeh, cigêrayox, dîrektor, hunermend, parlamenter, nuştox, sîyasetmedar û aktîvîstan morê xo da binê metnê kampanya. Înîsîyatîfî derheqê babete de eşkerayîyêke daye.

Eşkerayîye de ame vatene ke Abdullah Ocalan tek rayîrê çareserkerdişê meseleyan o û tecrîdê ci ra nata seba azadîya ci têkoşînêko pîl yeno kerdene. Înîsyatîfî ard ziwan ke Ocalan seba haştîya Tirkîya û Rojhelatê Mîyanênî eşkeno rolêkê serkêşîye bîyaro ca.

Eşkerayîye wina dewam kena: ''Ma wazenê Ocalan bi rayîrê kitabanê xo bireso her kesî. Ma venga demokrat, pawitox û aktîvîstanê dinya danê ke seba azadîya Ocalanî mezgê merdiman de vengê xo vejê. Heta ke rejîmê Zîndanê Îmraliyî nêrijîyo û ma nêresê armancê xo waştişê xo xurt bikerê.''