Emîne Şenyaşar lajê xo Wekîlê DEM Partî Ferît Şenyaşarî reyde vizêr roja 57ine de Nobeta Edaletî rê dewam kerd.  Emîne Şenyaşar Nobeta Edaletî de bînaya Wezîrîya Edaletî ya Tirkîya ra  seba ke vengê înan bieşnawa dowîzê 'edaletî' daliqna.

Dima keyeyê Şenyaşarî verê wezîrîye de fitarê xo akerd. Endamanê OHDyî nobete zîyaret kerde. Emîne Şenyaşar fitar de dua kerde û vat: ''Ya Homa zulmo ke ma rê ameyo kerdene bide Halîl Îbrahîm Yildizî.''

Wexto ke Emîne Şenyaşar şîye warê berîye zîyaretwanan ê Wezîrîya Edaletî ber ame qefilnayene. Ferît Şenyaşarî vera ney nêrazîbîyayîşê xo mojna.