Wekîlê HDPyî yê Amedî Îmam Taşçierî seba ke kurdkî (kurmanckî û zazakî) biba ziwanê fermî Serekîya Meclîsî rê pêşnîyazê qanûnî da. Taşçierî îfade kerd ke ronayîşê komara Tirkîya ra dima tirkî ra berî pêro ziwanî bêstatu vera dîyayî.

Taşçierî ard ziwan ke ziwanê dayîke heqo meşrû yo û xeylêk welatan de modelê zafziwanî yeno caardene.  Taşçierî vat: ''Wa kurdkî bi qanûnî bêra pawitene, cîyakerî û qedexekerîya vera ziwanî bêrê wedaritene. Eke wina bibo  komel do aver şoro. Perwerdeyê bi ziwanê dayîke temînatê komelê demokratîkî yo.''