Dêrsim de heyeto ke Hemşaredarê Dêrsimî Cevdet Konak, Wekîla Dêrsimî Aytene Kordu û endamanê Platformê Kede û Demokrasîyî ra yeno pê esnaf û şar zîyaret kerd. 

Zîyaretan de taxanê Gazik û Sihenkî de ame parekerdene ke 3yê kanûne de saete 10.00 de, Sûka Yeraltiyî de Kombîyayîşê Meclîsê Şaredarîye yê menga kanûne do bêro kerdene. Heyetî venga şarî da ke tewrê kombîyayîşî bibo.

Cevdet Konako ke herinda ci de qeyûm ameyo tayînkerdene, da zanayene ke bi qeyûman destkewteyanê şarî ameyo xespkerdene û venga şarî da ke wa tewrê kombîyayîşî bibo.

Aytene zî vat: ''Vera elewîyan, kurdan û hêzanê demokrasîyî polîtîkayê dişmenîye yenê kerdene. Qeyûm zî nê polîtîkayan ra yew o. Coka ma vanê ke ma sereyê xo verê destbendkerdiş û tepiştişan de nêarê war. Her ca de ma seba azadîye û demokrasîyî têkoşîn bikerê.''