HPGyî dabi zanayene ke netîceya hêrişanê kîmyewîyan ê dewleta tirke ya îşxalkere de 11  gerîlayî 5ê teşrîna peyêne de şehîd bîyê. Nînan ra seba gerîlayê HPGyî Îsa Kurtayo (Sefkan Adar) ke hêrişê kîmyewî yê dewleta tirke de şehîd bibi, qezaya Başakşehîrî ya Îstanbulî de şîn ronîya.

Şîn bînaya HDPyî ya Başakşehîrî de ronîya. ANYAKAY-DER, MA-TUHAY-DER, merdimê tepişteyanê nêweşan û endamê Înîsîyatîfê Mayanê Haştîye zî tewrê şînî bîyî. Şîn de sloganê 'Bijî Serok Apo' ame vatene û derheqê Kurtayî de sînevîzyonêk ame mojnayene. Dima mewlûd ame wendene û werdî ameyî vilakerdene.