Komîteya Rewşa Lezabeze ya seba Rojawanî Wezîrê Karanê Teberî yê Amerîka Anthony Blinkenî ra pê mektubêke waşt ke xelata seba tepişîyayîşê lîderanê PKKyî Cemîl Bayik, Curan Kalkan û Murat Karayilanî bêra betalkerdene.
Komîteya Rewşa Lezabeze ya seba Rojawanî Wezîrê Karanê Teberî yê Amerîka Anthony Blinkenî ra pê mektubêke waşt ke xelata seba tepişîyayîşê lîderanê PKKyî Cemîl Bayik, Curan Kalkan û Murat Karayilanî bêra betalkerdene.
Mektube pê îmzaya Sereka Komîte Meredith Tax, Sekretera Pêroyî Debbie Bookchin û Dîrektora Îdarî Ozleme Gonder erşawiyaye. Mektube de ame waştene ke polîtîkaya dişmenîya vera kurdan a wextê Trumpî wa bêra teriknayene. Mektune de kombîyayîşê Bidenî yê 4ê sibate ame vîrvistene ke Bidenî vatbi polîtîkaya teberî ya Amerîka bingeyê heqanê merdiman ser o ronîyaye. Komîte vat ke newekerdişê bira vera Cemîl Bayik, Curan Kalkan û Murat Karayilanî seba sûîqastî rayîr dana Tirkîya.
Mektube de bale ameye antene ser ke polîtîkayê Tirkîya paştî danê DAÎŞî û hemkarîya cerganê Ceyş el Îslam, Tûgayên Sûltan Mûrat kena. Mektube de vateyê Brett McGurkî zî ameyî vîrvistene ke vatbi 'Tirkîya herinda ke vera DAÎŞî şer bikera vera kurdan şer kena.'
Mektube de ame vatene ke PKK rêxistinêka terorîste nîya, rêxistinêka azadîye ya neteweyî ya, 1995 de morê xo dayo binê Peymana Cenevre.
