Platformê Dezgehanê Demokratîkan Êlih de vera destsernayîşê îradeyî Mîtîngê Azadîye û Demokrasîyî keno. Warê mîtîngî de pankarta ''Seba çareserîya demokratîke ya meseleya kurdan ma rayraşîyayîşê azadîye pîl kenê'' daliqîyaye. Şar bi dowîzanê sey ''Hişyarîya şarî ya; şaredarîyanê ma ra vejîyê'', ''Qeyûmî rê destûr çin o, qeyûm talan o'' û ''Çareserîye zî muxatab zî eşkera yê'' kirişeno.

Girseyan hêverî Çatrayîrê Cadeyê Dîyarbekîrî û Heskîf de pîya govende girewte. Cinîyî bi kortejanê TJA û Mayanê Haştîye kewtî warî. Cinîyan kincê neteweyîyî dayî xo ra û Mayanê Haştîye zî laçikê sipîyî bestayî sereyê xo ra.  

Girseyo ke Heskîfî ra ame seba ke wesayîtê ci ameyê astengkerdene bi sloganê 'Ma bi xoverdayîşî ser bikewê' ver bi Êlihî peya kewtî rayîr.

Hemsereka DEM Partî Tulaye Hatîmogullari û Hemsereka DBPyî Çîgdeme Kiliçgun Uçar zî şîyî warê mîtîngî.