Weçînayîşê 31ê adara 2019î de Selçuk Mizrakli sey namzetê HDPyî bi Hemşaredarê Amedî. La tebaxa 2019î de herinda ey de qeyûm ame tayînkerdene û Mizrakli îfadeyanê îtîrafkere Hîcran Berna Ayverdî ser o bi îdîaya 'endamîya rêxistine' tepişîya. Mizrakli erşawîya Zîndanê Bunyanî.

Mehkemeya tirkan cezaya zîndanî ya 9 serran û 4 mengan û 15 rojan cezaya zîndanî daye Mizrakliyî. Seba ke Mizrakli bêro veradayene hetê Koma Kampanyaya Azadîye ra change.org ser o kamyanyaya îmzayan dîyaye destpêkerdene.

Kome venga pêro komelê demokratîkî yê mîyanneteweyî û îdarekaranê Neteweyanê Yewbîyayeyan, Yewîya Ewropa da ke vera tepişîyayîşê Mizrakliyî bêveng nêmanê û seba veradayîşê ci têbigêrê.

Keyepelê kampanyaya îmzayan wina yo: