Rêxistina HDPyî ya Îstanbulî bînaya xo de derheqê Newroza 2021î de eşkerayîye daye û da zanayene ke şayîya Newroze 20ê adare de Meydanê Yenîkapi de do bêra kerdene.

Hemsereka HDPyî Îstanbulî Elîfe Bulut venga pêro şaranê Îstanbulî da ke wa tewrê Newroze bibê û vengê haştîye berz bikerê.

Kongreya Demokratîke ya Şaran (HDK), Rêxistina HDPyî ya Îzmîrî, Têgêrayîşê Cinîyan ê Azadan (TJA), Înîsîyatîfê Mayanê Haştîye û xeylêk rêxistinanê cinîyan zî bînaya HDPyî de eşkerayîyêke daye û pare kerd ke Îzmîr de meydanê Gundogdu de 20ê adare ke Newroze do bêra fîrazkerdene.

Hemserekê HDPyî yê Îzmîrî Kadîr Buydurî bale ante grevê vêşanîye yê tepişteyan ser û vat ke ganî cade waştişê înan bêrê caardene.

Hemsereke Besrîye Tekgur zî ard ziwan ke wa kurdî vera zulmî xo ver bidê û bêrê Meydanê Gundogdu.