Meclîsê Cinîyan ê HDPyî seba ke paştî bido 13 cinîyanê ke Dewaya Kobanê de yenê muhakemekerdene çalakîyêka eşkerayîye kerde. Eşkerayîye verê Zîndanê Sîncanî de ameye dayene. Vervatoxa Meclîsê Cinîyan ê HDPyî Ayşe Acar Başaran eşkerayîye de qisey kerd.

Başarane vist virî ke Tirkîya de her roje cinîyî yenê qirkerdenê, raştîyê polîtîkayanê hêrişkeran yenê. Başarane da zanayene ke vera nê hêrişan ê Komeleya Cinîyan a Rosa, Komeleya Huqûqnasan a Modernan (ÇHD) û Komeleya Huqûqnasan a Seba Azadîye (OHD) reyde seba teqîbkerdişê Dewaya Kobanê kom bîyî.

Başarane bale ante 13 cinîyan ê tepişteyan ser û îfade kerd ke nê cinîyî seba ke cinîyanê Kobanê reyde bîyî yenê muhakemekerdene. Başarane vat: ''Sebahate Tuncel, Ayla Akat Ata, Fîgene Yuksekdag, Aysele Tugluk, Gulsere Yildirim û embazê ma yê bînî hê muhakeme kenê, nênê muhakemekerdene.  Înan îfade kerd ke do têkoşînî ra fek vera medê. Ma zî înan het de bibê û têkoşînê înan pîl bikerê.''

 Sereka Komeleya Rosa Adalete Kaya ard ziwan ke ê hetê 13 cinîyan de yê.