Kongreya 12ine ya PKKyî de amebi îlankerdene ke kadroyê serkêşî Alî Haydar Altun û Riza Altun şehîd bîyê. 

Alî Haydar Kaytano ke 1980 de embazê xo Hamîlî Yildirimî reyde tepişîyabi zîndan de şîîra ‘Dîrok’î nuştibi. Keyeyê ey şîîre şawitibî Ewropa û Şivan Perwerî 1981 de şîîre kasetêkê xo de wendibi.

1986 de zî şîîr kitabê "Diyarbekir/Seçme Şiirler 1" de çap bena. 

Seba şîîra ‘Dîrok’î ya Alî Haydar Kaytanî klîbêko anîmasyon ame amadekerdene. Şîîre hetê Hekîm Sefkanî ra ameye wendene, klîb zî hetê Çekdar Farqînî ra ame viraştene û şîîre hetê Murat Yapiştiranî ra ameye qeydkerdene.

Klîbê bi nameyê ‘’Hey Dîrok’’ televîzyonê Med Muzikî de û keyepelê Youtube Med Hunerî de weşanîya.