Yewîya Hezan a Demokratîke ya Ewropa venga merdimanê Ewropa da ke paştî bidê kampanyaya boykotkerdişê turîzmê tirkan.

Eşkerayîye de bêhuqûqî û tedaya Tirkîya ameyî nîşankerdene û ame vatene: ''Tirkîya de ke hetê partîyane faşîstan AKP-MHPyî ra yeno îdarekerdene, îqtîdarê Tirkîya îqtîdarêko antî-demokratîk o. No îqtîdarê Erdoganî dest nano azadî û heqanê demokratîkan ser, azadîya fikran, rêxistinbîyayîş û qiseykerdişê merdiman qedexe kerdî. Bi hawayêkê leşkerî vera şarê kurdî teda kena. Komara Tirkîya vurîyaye zîndanêk je merdimî nêeşkenê azad biciwîyê. Kurdîstan zî pê operasyonan vurîya warêkê şerî.''

Eşkerayîye de destsernayîşê şaredarîyanê HDPyî, şîdetê vera cinîyan, destbendkerdiş û tepiştişê bi hezaran merdiman ameyî vîrvistene û ame vatene ke bawerîyanê cîyayan rê gef yeno wendene.

Eşkerayîye wina dewam kerd: ''Rojawan ke binê îşxalê Tirkîya de yo, pê metodanê şerî yeno îdarekerdene. Domanî bi zorî tirkî musenê û asîmîle benê.

Sey Almanya welatê Ewropa Tirkîya reyde peymananê turîzmî kenê. Bi sayê nê peymanan Erdoganî seba şerê xo çimeyê turîzmî xebitneno. Fînanskerdişê Tirkîya yeno manaya xurtkerdişê DAÎŞî. Mebê hemparê naye û turîzmê Tirkîya boykot bikerê.

Seba xurtkerdişê demokrasîyî û averberdişê azadîye, seba qedînayîşê paştdayîşê leşkerî û ekonomî yê Tirkîya şima zî tewrê kampanyaya ma ya boykotkerdişê tirkan bibê û paştî bidê ma.''