Seba baska Baselî ya Rayraşîyayîşê Dergî amadekarîyî dewam kenê. Hemserekê (Merkezê Komelê Demokratîkî yê Kurdan ê Swîsre (CDK-S) Îsmaîl Kardaş û Hemsereka Merkezê Komelê Demokratîkî yê Kurdan (NCDKyî) ya Baselî Zeynepe Kayra seba tewrbîyayîşê Rayraşîyayîşê Dergî yê Baselî veng da.

Kardaşî ard ziwan ke heta ke Rayberê Şarê Kurdî Abdullah Ocalanî azad nêbo kurdî qetî nêvinderê û vat: ''Rayberê ma 1999 de bi komployêkî tepişîya. Kurdî 23 serrî yo vera ney xo ver danê, vanê ê komployî qebul nêkenê. Serra 23. a Komployê Mîyanneteweyî de zî kurdî do vera komployî têkoşîn bikerê.  Heta Rayberê ma azad bibo hêrsê ma do dewam bikero. Ma do qetî têkoşînî ra fek vera nêdê. Ma venga pêro kesan danê ke 6ê sibate de tewrê Rayraşîyayîşê Dergî yê 6ê sibate bibê.''

Zeynepe Kayra zî vat: ''Baskêka Rayraşîyayîşê Dergî emser tîya ra dest pêkena. Sere de şar û dostê ma ma venga pêro kesan danê ke vera komployî têbigêrê. Ganî ma vengê xo berz bikerê ke komplogerî xo ra şerm bikerê. Nê esasî ser o ma venga her kesî danê ke tewrê nê rayraşîyayîşî bibê.''