Avûkatanê keyeyê Ebru Tîmtîka ke rojeyê mergî de ya, da zanayene ke rewşa weşîya ci hol nîya û veng da ke wa cade çîyêk bêro kerdene. Pîrika Tîmtîke zî bi vîdeoyêk veng da ke wa her kes hîsgêr têbigêro, îmzayêk bido ke torna ci memiro.
Avûkate Ebru Tîmtîk bi waştişê hukmkerdişê edîlî rojeyê mergî de ya. Avûkatanê Tîmtîke da zanayene ke rewşa weşîya ci hol nîya û vera bena xirabêr. Ebru Tîmtîk Nêweşxaneyê Cigêrayîş û Perwerdeyî yê Bakirkoyî de ya.
Avûkatan hesabanê xo yê medyaya komelkîye de derheqê weşîya Tîmtîke de zanayîşî dayî û wina veng da: ''Rewşa weşîye ya Ebru bena xirabêr. Ma venga her kesî danê ke vera mudaxeleyê bizorî bêrê Bakirkoy. Hînî sanîyeyî zî zaf girîng ê û beno ke siba seba her çi zaf beno erey.''
Pîrika Ebru Tîmtîk zî bi vîdeoyêk veng da ke wa her kes hîsgêr têbigêro, îmzayêk bido ke torna ci memiro.
Ölüm Orucunda ki Ebru Timtik'in ninesi sesleniyor; Bütün halkımıza sesleniyorum, bütün akrabalarıma sesleniyorum bir imzada siz verin torunum ölmesin! pic.twitter.com/IFpYga4Ihb
— Avukat Aileleri (@HAozgurluk) May 30, 2020
