Tepişteyo nêweşo giran Cebraîl Vural 30 serran ra dima Zîndanê Kirşehîrî ra vera dîya. Vural (50) 1994 de tepişîyabi û cezaya zîndanî dîyabi ci. 

Vuralo ke tede xeylêk nêweşîyî est ê, hetan nika surgunê zaf zîndanan amebi kerdene. 

Verê zîndanî de dadîya Vuralî Nofa Vural (72) û endamanê keyeyê ci o pêşwazî kerd. Qezaya Wêranşarî ya Riha de zî bi seyan kesan Vural pêşwazî kerd. Dima girse pîya şi keyeyê Vuralî. Tîya de zî xeylêk kesan û namzedanê Şaredarîya Wêranşarî yê DEM Partî Serhat Vural û Bedrîye Yorgun bi sloganê ''Bijî Berxwedana Zîndanan'' Vural pêşwazî kerd.

Cebraîl Vuralî tîya de qisey kerd û pare kerd ke o pêşwazîkerdişê winayênî ra zaf hisger bîyo û vat: ''Têkoşînê ma do dewam bikero. Wexto ke mi şima dîyê mi 30 serrê xo yê zîndanan xo vîr a kerdî.''

Cinîya Vuralî Yildize Vural ard ziwan ke aye nê 30 serran de di domanê xo bi sereyê xo weye kerdê û vat: ''La ma tim payan ser de mendî û qetî sereyê xo nêard war. Wa biciwîyo xoverdayîşê zîndanan û Kurdîstanî.''