Platformê 1ê Gulane derheqê 1ê Gulane Roşanê Karkeran de eşkerayîye daye û vat ê do vera qedexe û zextan semedê pawitişê kede û azadîye 1ê Gulane de meydanan de bê.

Eşkerayîya ke vizêr Meydanê Îskeleyî yê Kadikoy de ameye dayene de nê ameyî vatene:

''Xora şaro ke krîzê ekonîmî ra tengayî anceno bi ameyîşê janî dilab-hîrlab tengayî anceno. Serdestî faturaya krîz û janî karker/e-kedkaran û şarî rê dano dayene. Karkerî emser mabênê vîjnayîşê mergê vêşanîye û janî de mendî.  Îzîno bêyewmîye, Kod-29 sey metodê neweyî yê karî ra vetişî yeno şuxulnayene. Rîyê bêkarîye û bêameyoxî ra xokiştişî zêdîyayî. Jan semedê verê mucadeleyê şarî girewtiş zî sey bahane yeno şuxulnayene la xoverdayoxî peyser game nêerzenê.

Îqtîdarê AKP-MHPyî vera xoverdayoxan hêrişo topyekun dayo destpêkerdene. Vera nê hêrişan têkoşîno pîl yeno dayene. Senî ke Newroze de cewabê hêrişan ame dayene ganî 1ê Gulane de cepheyê kede cewabêko pîl bêro dayene. Qesre bi xo qedexeyanê xo nêana ca. Coka qedexeyê Taksîmo ke Meydanê 1ê Gulane yo nîno qebulkerdene. Ma do vera qedexe û zextan semedê pawitişê kede û azadîye 1ê Gulane de meydanan de bê. Ma veng danê heme sendîka, odayan, şorişgêran, rêxitine û partîyanê çepan ke semedê pîlkerdişê têkoşînî wa semedê rêxitistinkerdişê 1ê Gulane yê mîlîtînî wa perbirsîyarîye bigîrê.''