Avûkatanê Rayberê Şarê Kurdî Abdullah Ocalanî û ê tepişteyanê bînan ê Îmraliyî Rêzan Sarica, Razîye Turgut, Îbrahîm Bîlmez û Serbay Kokluyî semedê pêvînayîşî muracatê Serdozgerîya Komare ya Bursa kerd.

Birayê Rayberê Şarê Kurdî Abdullah Ocalanî Mehmet Ocalan û warisê ci Mazlûm Dînçî zî semedê pêvînayîşî .muracatê Serdozgerîya Komare ya Bursa kerd.

Keyeyanê tepişteyan ê bînan ê Îmraliyî ra birayê Omer Hayrî Konarî Alî Konarî, birayê Hamîlî Yildirimî Plat Yildirim û waya Veysî Aktaşî Melîhe Çetîn zî bi rayîrê avûkatanê xo seba pêvînayîşî muracat kerd.

14ê  adare ra nata tewr tay 17 reyî semedê pêvînayîşê Îmraliyî muracatê Serdozgerîya Komare ya Bursa, Dadgerîya Înfazî ya Bursa û Wezaretê Edaletî ame kerdene.CPTyî rê zî di rey muracat ame kerdene

Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi.

Rayberê Şarê Kurdî 25ê adare de wexto ke Mehmet Ocalanî reyde pê telefonî qisey kerdêne telefon birîya.