CDK-F û TJK-F  semedê tewrbîyayîşê rayraşîyayîşê Parisî veng da ke 7ê êlule de do saete 14:00 de Meydanê République de bêro kerdene.

Eşkerayîye de nê ameyî vatene: ''Semedê şiknayîşê tecrîdê serê Rayber Apoyî û azadkerdişê ey 10ê teşrîna verên a 2023yî de hemleya 'Rayber Apoyî rê azadîye, meseleya kurdan rê çaresrîya sîyasîye' dîyaye destpêkerdene. Serede Rayraşîyayîşê Kolnî de 8ê Adare û Newrozan de hemle hetê şarê ma ra ameye wayîrvejîyayene. Hemleya ke kewte merhaleya dîyîne ganî ma pêro wayîrê ci bivejîyê. Hetê bînî ra xayînîya PDKyî zêdîyaye, hêrişê vera Herêmanê Pawitişî yê Medya giranêr bîyî û Başrûê Kurdîstanî de polîtîkaya îhlakî ya dewleta tirke vejîyayî meydan.

Ewropa de ceza dîyena aktîvîstanê kurdan û aktîvîstî teslîmê dewleta tirke benê. Tam prosesê winayênî de ma do 7ê êlule de paytextê Fransa Paris de çarçewaya hemle de bi şîarê 'Ma vera tecrîd, îşxal û îhlakî meydanan de yê' vejîyê meydanan. Ma veng danê şarê xo yê welatperwerî û dostanê xo ke wa tewrê nê rayraşîyayîşî bibê.''