Hezanê Demokrasî, Kede û Haştîye yê Îstanbulî vera destsernayîşê Şaredarîya Colemêrgî mîtîng organîze kerd. Mîtîng do 29ê hezîrane de bi şîarê 'Ma do semedê kede û azadîya xo destûr medê qeyûmî' bêro kerdene. Ewro derheqê mîtîngî de Beyoglu de kombîyayîş ame kerdene.

Eşkerayîya çapemenîye de nê ameyî vatene: ''Îtîfaqê AKP-MHPyî bi rejîmê qeyûmî keno ke îradeyê demokratîkî yê şarî bişikno û rejîmê xo yê leyminî bido domnayene. Coka qeyûm destsernayîş o, qeyûm talan o, qeyûm dizdîye ya, qeyûm nêşinaskerdişê îradeyî yo. Qeyûm eynî wextî de darbeya vera hêvî ya. Roje roja vera xirabîye yewbîyayîş û têkoşînkerdişî ya. Ma veng dan heme  şaran, kedkaran ke wa 29ê hezîrane roja şemeyî saete 19.00 de Meydanê Kartalî de tewrê mîtîngî bibê.''