Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' dewam kena. Endamê Meclîsê Parlamenteran ê Konseya Ewropa û Senatorê Sinn Feinî Paul Gavanî serrgêra hemle de ajansê ma rê qisey kerd.

Senator Paul Gavan dîyar kerd ke tecrîdê vera Rayberê Şarê Kurdî Abdullah Ocalanî dewam keno û ganî azadîya Ocalanî bêra caardene. Gavanî vat: ''Her ke ez tewrê Meclîsê Parlamenteran ê Konseya Ewropa bena, vînena ke cinî û camêrdî wurzenê payan ser, azadîya Abdullah Ocalanî wazenê. Hayîya mi bi îşkence û zulmê vera Ocalanî est a.''

Senator Paul Gavanî ard ziwan ke azadîya Rayberê Şarê Kurdî Abdullah Ocalanî seba şarê Kurdîstanî girîngîya esasî ya û vat: ''Ez zanena ke azadîya Abdullah Ocalanî seba caardişê edalet û haştîya Kurdîstanî wayîra girîngîyêka bingeyîn a.

Coka ez  partîya mi Sinn Feinî veng danê ke ganî hukmatê Tirkîya Abdullah Ocalanî vera bido. Ganî destûr bido ke o bieşko serkêşîya haştî, edalet û dîyalogan bikero. Ganî no veng dinya ra bieşnawîyo.''