Senatoranê komargîran Lindsey Grahamî û Marsha Blackburn û senatoranê demokratan Chris Van Hollenî, Richard Blumenthalî û Jeane Shaheen Wezîrê Karanê Teberî yê DYA Mike Pompeoyî rê nameyêka hempare erşawite.

Babeta mektube Tirkîya ya. Senatoran bi taybetî waşt bizanê ke Tirkîya adirbirnayîş binpay kerda yan ney. Senatoran waşt ke eke Tirkîya adirbirnayîş binpay kerda, vera ci ambargoyî bêrê caardene.

Senatoran îfade kerd ke Tirkîya peymana herêma biasayîşe binpay kerde û Til Temir de hêrişê Kurdan kena, naye ra ganî DYA lezabez tevgibêra.

Name de dayîya zanayene ke: "Yeno vatene Tirkîya û hêzê ke Tirkîya paşt dana ci, hêrişê kurdanê Sûrîye û Til Temirî kena. Eke wina yo na yena a mena ke Tirkîya peymana adirbirnayîşî ya ke Moskowa, Anqara û Tirkîya reyde kerda binpay kena. "

Senatoran vist vîrî ke Donald Trumpî gef ro Tirkîya wend ke eke Tirkîya hêrişan dewam bika ekonomîyê ci do wêran biko. Senatoran pare kerd ke: "Ma pawenê ke DYA çarçewa peymana 17ê teşrîna verêne de, ganî bi hawayêkê lezabezî vera Tirkîya ambargoyanê ekonomîkan bîyaro ca."