Îngilîstan de 16 sendîkayî bi çalakîyanê cîya-cîyayan ancî azadîya Abdullah Ocalanî do biwazê. 18ê hezîrane de serkêşîya sendîkayan de rayraşîyayîşêko pîl do bêro kerdene û no waştiş bi xurtî bêro vatene.
Sendîkaya Îngilîstanî Kampanyaya 'Abdullah Ocalanî rê Azadîye' kenê pîl. Sendîkaya Social Workers Union (SW) bire daye ke tewra kampanya biba. Bi nê hawayî Îngilîstan de 16 sendîkayî tewrê kampanya bîyî.
Menga peyêne de kongreya Sendîkaya perwerdeyî de 1700 delegeyan posterê Rayberê Şarê Kurdî Abdullah Ocalanî akerdî û sloganê 'Abdullah Ocalanî rê Azadîye' vatbi.
Sendîkaya ramitoxan ASLEF zî do hewteyê verê ma de konferansê xo yê serrane bikera û wina pawîyeno ke na sendîka zî posteranê Ocalanî abikera. Ame parekerdene ke seba azadîya Ocalanî û vera hêrişanê dewleta tirke tay çalakîyî Îngilîstan de bêrê kerdene.
Wina pawîyeno ke Sendîkaya GMByî zî kongreya xo ya serrane de posteranê Ocalanî abikera.
18ê hezîrane de serkêşîya sendîkayan de rayraşîyayîşêko pîl do bêro kerdene û rayraşîyayîş de waştişê azadîya Ocalanî bi xurtî bêro vatene.
