Dewleta tirke ya îşxalkere hetêkî ra pa çeteyanê SMOyî hêrişê Tişrîn û Qereqozaxî kena û hetê bînî ra zî kena ke DAÎŞî newe ra gandar bikera.

Eşkera bi ke 23yê kanûna 2024î de emîrê DAÎŞî Anqara de keyeyê serçeteyêkê DAÎŞî Alî Serhan Suleyman El Mişkoyî de kom bîyê. Ame parekerdene ke emîrê ke tewrê nê kombîyayîşî bîyê zafê nînan iraqij û mûsilij ê.

Çimeyo ke nameyê xo eşkera nêkerd pare kerd ke nê emîrî armanc kenê ke hêrişê herêmanê Îdareyê Xoserî-QSDyî bikerê. Emîran waşt ke çeteyê înan wa derbazê Çolê Sûrîye (Reqa, Dêra Zorê û Hesekê) bibê. Kombîyayîş de ame waştene ke wa meaşê çeteyan hetê Tirkîya ra bêrê dayene û Tirkîya ardimê keyeyanê DAÎŞî bikera. 

Dewleta tirke ya îşxalkere xora wazena ke zîndanê ke tede çeteyê DAÎŞî tepişîyenê wa hetê QSDyî ra teslîmê ci bêrê kerdene. Dewleta tirke naye ser o tim Îdareyê Xoserî bi hêrişkerdişî tehdît kena.

Plansazîya nê kombîyayîşî hêrişanê vera Hesekê zî eleqedar kena. No zî mojneno ke Şingalo ke cîranê Hesekê yo, ancî binê gefanê DAÎŞî de yo. 

Balkêş o nê kombîyayîşî ra dima dewleta Iraqî qanûnê efû vet. Wina pawîyeno ke çarçewa nê qanûnî de zaf çeteyê DAÎŞî vera bidîyê.