Çend rojî verî Sereka Komîsyonê Yewîya Ewropa Ulsula von der Leyen û Serekê Komîsyonê Yewîya Ewropa Charles Michelî Anqara zîyaret kerdbi û Erdoganî reyde roniştbî. Pêvînayîş de Erdogan û Michel serê kursî de roniştî la Leyene payan ser o mende û dima zî hetê Wezîrê Karanê Teberî de kanepe ser o ronişte.

No tewir pêro dinya de raştê xeylêk nêrazîbîyayîşan û rexneyanê tûjan ame û sey 'skandalê kanepe' ame pênasekerdene.

Serekwezîrê Îtalya Mario Draghiyî konferansêkê çapemenîye de qisey kerd û da zanayene ke Sereka Komîsyonê Yewîya Ewropa Ulsula von der Leyen rê heqaretêko pîl ame kerdene. Dragiyî ard ziwan ke Erdogan dîktator o û vat: ''Ganî Sereka Komîsyonê Yewîya Ewropa înan rê nameyê raştikênî bida. Ez pê nêzdîbîyayîşê nê dîktatorî zaf xemgîn bîya.''