Massimo D'Alema yo  ke wextê prosesê komployê vera Rayberê Şarê Kurdî Abdullah Ocalanî de serekwezîrê Îtalya bi Medya Haberî TVyî rê qisey kerd.

Massimo D'Alemayî vat serekê dewrî yê Amerîka Bill Clintonî bi xo ey rê telefon kerd û tira waşt ke Rayberê Şarê Kurdî îadeyê Tirkîya bikero.

D'Alemayî nê vatî: ''Serekê dewrî yê Amerîka Bill Clintonî mi rê telefon kerd û vat 'ganî şima  Ocalanî bidê Tirkîya.' Ma cewabê xo de vat 'ney.' Seba ke ma mutefîkê Amerîka vatişê 'ney' qey rehat nêbi. Bado ke Amerîka vat 'ti mecburî nê  bikerî', Îtalya de rojnameyî, rayberê polîtîkî xeylêk kesan vat 'ganî ma waştişê Amerîka bîyarê ca.' Amerîka xora tim paştî dana Tirkîya. Ma sey Îtalya mutefîkê Amerîka yê. Ma pîya bi Tirkîya parçeyê NATO yê. Vera zextî xoverdayîş û Amerîka rê vatişê 'ney' semedê ma rehet nêbi.''

Massimo D'Alemayî ard ziwan ke tecrîdê Îmraliyî hem hetê heqenê merdiman hem zî hetê sîyasetî ra nîno qebulkerdene û vat: ''Xora ma muameleyê teberê merdimîye yo ke vera Birêz Ocalanî yeno kerdene qetîyen qebûl nêkenê. Çunke me kesê ke zîndan de yê ê zî tede heqanê merdiman rê hurmet kenê. Hetê sîyasîyî ra zî nîno qebulkerdene. Ocalan eşkeno mabênê şarê kurdî û hukmatê Tirkîya de semedê çareserî rolo kîlît kay bikero.

Ganî Erdogan semedê çaserkerdişê meseleya kurdan cade Ocalanî serbest vera bido. Mi çirey zîhnîyetê neteweperestî yê Tirkîya fam nêkerd. Meseleya kurdan wina çareser nêbena. Têna eke heqê kurdan bidîyê ci mesele yena çareserkerdene. No sey 25 serran verî, ewro zî fîkrê min o.''

Qiseykerdişo hîra yê D'alemayî do şewa pancşemeyî bêro weşanayene.