Îstanbul de polîsanê tirkan serê sibayî eşt xeylêk adresan ser û endam û îdarekarê Federasyonê Meclîsanê Sosyalîstan (SMF), Partîya Bindestan a Sosyalîste (ESP), Partizan û Meclîsanê Cinîyan ê Sosyalîstan (SKM) destbend kerdî.

Nameyê tay destbendkerdeyan wina yê: SMF ra Bariş Kayaoglu, Partizanî ra Hakki Eren û Selda Aydogdu; SKMyî ra Ezgîye Gurbuz û Hacere Elçîn; ESPyî ra Alî Haydar Keleş, Alî Karaçay, Mehmet Acettîn, Mesut Çekî, Huseyîn Gultepe, Ugur Ok; Cepheyê Şarî ra Selda Aydogdu.

Buroyê Huqûqî yê Bindestan (EHB) hesabanê xo yê medyaya dîjîtale de pare kerd ke sereştişan de polîsan şîdet û îşkenceyî kerdê, Endamê SDGFyî Mazlum Ortaçî zî sereştişan de şîdet dîyo.

Îzmîr de Vervatoxa SKMyî Tanya Kara, Endama SKMyî Melîha Kayaci, Endamê DÎslî T.K., Şerîfe Alpozel û Mahîr Kiliç ameyî destbendkerdene.