Şarê Amedî serkewtişê weçînayîşanê herêmîyan û rojbîyayîşê Rayberê Şarê Kurdî Abdullah Ocalanî verê bînaya DEM Partî de fîraz kerdî. Hemşaredarê Amedî Serra Bucak û Dogan Hatun, Hemvervatoxê KCDyî Cengîz Çîçek û Hemsereka DBPyî Çîgdeme Kiliçgun Uçar zî tewrê şayîye bîyî.

Şayîye de Serra Bucak ard ziwan ke Amedî ra heta Êlihî, Colemêrgî ra heta Wanî weçînayîşan de cewab da îqtîdarî û vat: ''Şarê ma Wan de darbeya îqtîdarî rê vat ney.''

Dogan Hatunî îfade kerd ke şaristanî hema zî vera qeyûman xo ver danê û vat: ''Ma 31ê adare de ser kewtî. Îqtîdarî waşt ke Wan de îradeyê şarê ma xesp bikero la şarê ma xo ver da. Ez xoverdayîşê şarê ma selam kena.''

Wekîlê Amedî Serhat Erenî kitabanê Rayberê Şarê Kurdî ra bi wesîleya rojbîyayîşê ey tay qismî wendî. Wextê wendişî de girseyî pîya sloganê ''Bijî Serok Apo'' vat.