Şayîye de ke pê deqayêkê rêzgirewtişî dest pêkerd, marşê Çerxa Şoreşê ame wendene. Bi seyan kesî Kampa Lavrioyî de pê alayanê PKK, KCK, YPG û YPJyî û fotografanê Rayberê Şarê Kurdî Abdullah Ocalanî tewrê rayyraşîyayîşî bîyî.

Çalakîkeran pankarta bi nuşteyê ''No pasaran'' akerde û mesajê ''Faşîzmî rê rayîr çin o'' da. Çalakîye de hêrişê faşîstî yê vera Kurdîstanî ameyî şermezarkerdene û sloganê ''Biciwîyo Serek Apo'', ''Biciwîyo xoverdayîşê gerîlayan'', ''Faşîst Tirkîya'' û ''Bêserek cuye nêbene'' ameyî vatene.

Rayraşîyayîşî ra dima Hemleya 1ê Hezîrane ameye fîrazkerdene. Şayîye de sînevîzyonêk ame mojnayene û mesajê Fermandarîya Qeragehê Merkezê Pawitişê Şarî ame wenden. Şayîye de sloganê ''Şehîdî nêmirenî'' ame wendene û gerîlayan rê selam ame kerdene.

Şayîye pê govendan qedîyaye.