Dîwanê Hemserekîya KCDK-E venga kurdan da ke tewrê çalakîyanê serrgêra 97. ya Peymana Lozanî bibê. Çalakîyan de abargoyê vera Kampa Mexmûrî zî do bêrê şermezarkerdene.

Vengdayîşê KCDK-E wina yo: ''24-25ê temmuze de serrgêra Peymana Lozanî de ke Kurdîstan kerd parçe, ma ambargo û ablûqaya Kampa Mexmûrî do şermezar bikerê. Çalakîyan de asayîşo qanûnî yê Kampa Mexmûrî do bêro waştene.

Rîyê Peymana Lozanî ra kurdî bêstatu vera dîyayî. Destsernayîşê erdê kurdan, çinkerdişê mîras û erjanê kulturî pê na peymane bi hawayêkê fermîyî ameyî caardene. Dewletanê kolonyalîstan ê herême û Tirkîya rîyê na peymane ra kurdan rê zulm kerd.

Ambargo û ablûqaya Kampa Mexmûrî ra zerarê ekonomîkî resayî bi hezaran kesan.Hêzê PDKyî nêverdanê ke merdimî seba ke debarê xo bikerê şorê cayanê bînan. Cergê DAÎŞî zî tehluke yê. Hêrişê hewayî yê dewleta tirke yê vera Mexmûrî dewam kenê. Rixmo ke Kampa Mexmûrî hetê Neteweyanê Yewbîyayeyan ra sey kampêka multecîyan a sîyasîyan yena qebulkerdene, ê vera hêrişî bêveng ê.

Rayraşîyayîşê 2 rojan  24ê temmuze de Cenevre de verê bînaya Neteweyan ê Yewbîyayeyan de dest pê bikerê û 25ê temmuze de verê bînaya ke Peymana Lozanî tede amebî îmzakerdene do biqedê. Ma do ambargoyê vera Mexmûrî û gefê qirkerdişî yê dewleta tirke şermezar bikerê. Ma venga Neteweyanê Yewbîyayeyan danê ke wa wezîfeyê xo bîyarê ca.''