Sêrt de rayîr nêdîya çalakîya Rayberîya Komeleya Kultur, Yewîye, Paştdayîşê Keyeyanê ke Dergûşê Medenîyetan de Merdimê xo Vînî Kerdî (MEBYA-DER), Federasyonê Komeleyanê Huqûq û Paştdayîşê bi Keyeyanê Tepişte û Hukmwerdeyan (MED TUHAD-FED). Ameyêne waştene ke Warê Newroze yê taxa Barişî yê Sêrtî de çarçewa Hemleya 'Wextê Azadîye' de çalakîya rayraşîyayîşî bêra kerdene. Girse verê bînaya HDPyî ya Sêrtî de kom bi.

Çalakîye de dowîzê bi nuşteyê 'tecrîd nêno qebulkerdene, tecrîd sûcê merdimîye yo' ameyî berzkerdene.

Hemserekê KCDyî Berdan Ozturk, Wekîlê HDPyî Feleknase Uca, Habîb Eksîk, Huseyîn Kaçmaz û Siddik Taş, Hemşaredara Êlihî Songule Korkmaza ke dest nîya wezîfeyê ci ser, endamê Meclîsanê Mayanê Haştîye û endamê TJA zî tewrê çalakîye bîyî. 

Polîsan waşt girse asteng bikerê la girseyî rixmê ney zî ver bi Rayîrê Aydinlaran  rayraşîyayîş kerd. Çalakîya rayraşîyayîşî de  sloganê 'Biciwîyo Serek Apo' û 'Biciwîyo xoverdayîşê zîndanan' ameyî vatene. 

Esnafan zî pê çepik û tîlîlîyan paştî daye çalakîkeran.