Meclîsê Asayîşê Karî û Weşîya Karkeran (ÎSÎG) raporê xo yê cînayetanê karî yê menga sibate eşkera kerd. 

Rapor de bale ameye antene qirkerdişê karkeran ê madenê Licikî yê Erzînganî ser. 

Goreyê raporî menga sibate de tewr tay 144 karkeran cînayetanê karî de dinyaya xo bedilnaye û her roja sibate de panc cînayetî qewimîyayî.

ÎSÎGî da zanayene ke tewr zaf karanê înşaetî, rayîrvistiştişî, maden, resayî de cînayetê karî qewimîyenê. ÎSÎGî pare kerd ke sibate de 144 karkeran ra yewê ci 14 serre ra qijêr b,, 28 karkerî mabênê serranê 18-29î de bîyê, 61 karkerî mabênê serranê 30-49 bîyê, 35 karkerî mabênê serranê 50-64 de bîyê û 10 karkerî zî 60 serre ra pîlêr bîyê.