Şaredarê Kopenhagî yê verênî Villo Sigurdssono ke paştî dano Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ANFyî rê qalê tecrîdê vera Rayberê Şarê Kurdî Abdullah Ocalanî kerd.

Sigurdssonî sîstemê Îmraliyî sey sîstemê îşkenceyî pênase kerd û vat: ''Îmrali de nêverdanê ke Ocalan keye û avûkatanê xo bivîno. No bi xo îşkence yo. Zafê welatanê Ewropa de tewr zaf cezaya zîndanî ya 16 serran est a. La Ocalan 25 serran ra nata zîndan de yo. No tecrîdê Îmraliyî goreyê peymananê mîyanneteweyîyan nîyo. Tirkîya endamêka NATOyî ya û ganî goreyê qanûnan têbigêra.''

Sigurdssonî vist vîrî ke o parçeyêkê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasî' yo û vat: ''Bîyayîşê parçeyêkê na kampanya zaf hol o. Ez zî tewra roniştişanê na hemle bena. Goreyê mi ganî na hemle seba azadîya Ocalanî her warê huqûqî de bêra averberdene. Seba azadîya Abdullah Ocalanî ganî Ewropa tedaya hukmatê tirkan bikera.'