Koçê multecîyanê Afganîstanî rixmê hewayê serdî zî dewam keno. Dewa Amanyurdî ya qezaya Serayî ya Wanî de di cenazayê cemidîyayeyî ameyî dîyene. Eşkera bîye ke cenazayî aîdê cinîyêke û camêrdêkê afganî yê.

Ame vatene ke leşkeranê tirkan cenazayî dîyî û berdî serê sînorê Îranî.

30ê kanûna 2021î de zî qezaya Qelqelî ya Wanî de cenazaya multecîyêka afgane amebî dîyene ke na cinîye seba ke domanê ci nêcemidîyê kincê xo dabî înan rê. Menganê peyênan de serê sînorê Wanî û Îranî de 8 kesan serdî ra cemidîyayî.