Paytextê Almanya Berlin û Şaristanê Solothurnî yê Swîsre de çarçewa Hemleya 'Tecrîd, faşîzm û îşxalî rê bes o; wext wextê azadîye yo' de biseyan mektubî  Neteweyanê Yewbîyayeyan (NY) rê erşawitî. 

Berlin de ciwananê kurdan seba azadîya Rayberê Şarê Kurdî Abdullah Ocalanî Sekreterîya Pêroyî ya Neteweyanê Yewbîyayeyan (NY) rê mektubî erşawitî.Ciwanî verê postaxaneyî de saete 15.00 de kom bîyî û înan pê sloganan mektubê xo erşawitî.

Solothurn de zî kurdîstanijan rayberîya Meclîsê Cinîyan ê Rojbîne yê Aarau, Komunê Cinîyan ê Pinare yê Solothurnî û NCDKyî de  450 mektubî  erşawitî. Erşawitişê mektuban ra dima aktîvîst Mahîr Yukselî qisey kerd û ard ziwan ke ê wayîrê hemle vejîyenê û ê do reyna mektuban bierşawê. Verî zî Bern, Basel, Cenevre û Zurihî ra mektubî erşawîyabî.