Çalakîya roniştişî ya ke 12ê teşrîna verêne de bajarê Strasbourgî yê Fransa verê Konseya Ewropa de semedê azadîya Rayberê Şarê Kurdî Abdullah Ocalanî dîyaye destpêkerdene hewteyê dîtin de hetê aktvîstanê TJK-E ra yena rayraberdene.

Çarçewa aktîvîteyanê çalakîye de bi sernameyê ''Raştîya Rayberîye û Cinî'' de panalêk ame kerdene. Zîlane Dîyara ke panel de qisey kerd  vat: ''Azadîya Ocalanî qey semedê cinîyan zaf muhîm a? Her çîyî ra ver Ocalan rayberîya paragîmayêke keno. Rayberê Şarê Kurdî 40 serrî yo rayrberîya têkoşînê azadîye keno. Rayberîye eynî wextî de îdeologêk o. Yew raybero ke problemanê çaxî rê çareserî aferneno. Ferqê ci oyo ke têna sey îdeologan bînan çareserî nêvano, eynî wextî de pratîk de ramojneno. Rayber Apo eynî wextî de yew fîlozof o. Probleman têna sey aktuel nê hetê tarîx û felsefeyî ra zî geno dest. Rayber Apo qican rê qic pîlan rê pîl o. Her kesî de eşkeno dîyalog bikero û cuya ci ferq vejo werte. Her çiqas vera ci polîtîkayê krîmînalîze bibî zî heme dinya de sey Rayberê Şarê Kurdî meşruyetê xo ispat kerdo. Rayberîye  wextê esaretî de azadîya cinîyan rojdemê xo ra nêda ware. Çareserî na mesela badê şorişî de nê zereyê ci de esas girewt. Tesbîtê Ocalanî yê ‘Azadîya cinîyan heme azadîyan ra erjîyaye ya' bes o. Coka sey cinîyî kurdî ma Rayberîye rê pêt giradaye yê.''