Strasbourg de  semedê azadîya Rayberê Şarê Kurdî Abdullah Ocalanî yo ke hîrê serrî yo tira xebere nîna girewtene, bi şîarê ''Abdullah Ocalanî rê azadîye, Kurdîstanî rê statu'' çalakîye ameye kerdene.

Rayraşîyayîşo ke hetê KCDK-E, TJK-E, TCŞ, ADGByî ra ame kerdene başûrê Almanya, Swîsre û rojhilatê Fransa ra kurdîstanijî û dostê înan tewrê ci bîyî. Şaro ke saete 10:00 de Meydanê Strasbourg Place de la République ame pêser bale ante dirîyîya CPT, Parlamentoya Ewropa û dezgehanê eleqedaran ê Ewropa ser ke vera tecrîdê Îmraliyî bêveng ê. Dima ra rayraşîyayîş ame kerdene û Meydanê  Avenue de l'Europe  de mîtîng ame kerdene.

Hemsereka KCDK-E Zubeyde Zumrut veng da CPT û Parlamentoyê Ewropa ke wa vera tecrîdê Îmraliyî wezîfeyê xo bîyarê ca û vat ê têna wedaritişê tecrîdî nê azadîya Rayberîya xo wazenê.

Wekîlê Konseya Ewropa yê Fransa Emmanuel Fernandesî ard ziwan ke ganî Ewropa semedê wedaritişê tecrîdî têbigêro û PKK lîsteya terorî bêro vetene.

Avûkatanê Abdullah Ocalanî ra Omer Guneş zî ard ziwan ke têna Abdullah Ocalan nê şarê kurdî zî binê tecrîdî de yo û vat xoverdayîşê vera tecrîdî do bêro domnayene.