Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye dayebî destpêkerdene. Çalakîya ke çarçewa Hemleya ''Dem Demê Azadîye yo'' de yena kerdene roja 15. de hetê grûba newîye ra ameye dewrgirewtene.

Grûba ke bajarê Marsilya ya Fransa ra tewrê çalakîye bîye û tede 50 kesî estê, bi eşkerayîyêke da zanayene ke înan çalakîye dewr girewta. Eşkerayîye de ardîya vîrardene ke rixmê heme nêrazîbîyayîşan CPT hema zî bêveng o û ame vatene ke ganî çalakîyî bêrê xurtkerdene. Çalakwanan veng da dezgehanê eleqedaran ê Ewropa ke wa heyetêk bişawê Îmraliyî.

Planê çalakîya 'Azadîye do ser bikewo-semedê Ocalanî têbigêrê' wina yo: 16ê kanûne de enternasyonalîstî û kesê ke karanê dîplomatîkan kenê ra grûbêke do çalakîye dewr bîgirê. 17ê kanûne de kurdê ke bajaranê Dusseldorf û Kolnî yê Almanya ciwîyene do çalakîye dewr bîgirê.