Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye dayebî destpêkerdene. Çalakîya ke çarçewa Hemleya Dem Demê Azadîye yo de yena kerdene roja 14ine de hemserekanê  KCDK-E, hemserekanê merkezanê komelî, temsîlkaranê FEDA û CIKyî ra ameye dewrgirewtene.

Hemserekî û temsîlkarê dezgehanê bawerî yê ke saetanê serê sibayî de ameyî cayê çalakîye seba ke bale biancê tecrîdê serê Rayberê Şarê Kurdî Abdullah Ocalanî ser dosyayêke teqdîmê Komîteya Vergirewtişê Îşkenceyî ya Konseya Ewropa (CPT) kerd. Hemserekê KCDK-E Fatoşe Goksungur û Yuksel Koçî bi nameyê çalakwanan hetê heyetêkî ra ameyî verwazîkerdene.

Badê pêvînayîşê nêm saete hemserakan eşkerayîyêke daye. Yuksel Koçî vat: ''Bi nameyê masaya Tirkîya ya CPTyî di kesan ma dir pêvînayîş kerd ke nê wirdan di rey Îmrali de Rayberê Şarê Kurdî Abdullah Ocalanî reyde pêvînayîş kerdo. Ma ard ziwan ke  îşkenceyê Îmraliyî nîno qebulkerdene û ganî ê wezîfeyê xo bîyarî ca çîyêk bikerê.''

Goksungure zî vat: ''Ma vîst vîrî ke pêvînayîşê ma yê verênan ra netîce nêame girewtene û vat şima qey raporê xo teqîp nêkenê. Ma derheqê tecrîdê 23 seran de zanayîş da. Înan zî vat 'ma şima fehm kenê û xora ma zî vatbi Îmrali de sîstemê îşkenceyî esto la tay çîyî şarî reyde nînê parekerdene. Nê çalakîyî şima ge-ge ma fînenî tengayî.' Ma zî vat heta ke îşkenceyê Îmraliyî bêro  qedînayene do çalakîyê ma dewam bikerê.''

Planê çalakîya 'Azadîye do ser bikewo-semedê Ocalanî têbigêrê' wina yo: 15ê kanûne de kurdê Fransa do çalakîye dewr bîgirê. 16ê kanûne de enternasyonalîstî û kesê ke karanê dîplomatîkan kenê ra grûbêke do çalakîye dewr bîgirê. 17ê kanûne de kurdê ke bajaranê Dusseldorf û Kolnî yê Almanya ciwîyene do çalakîye dewr bîgirê.