Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye dayebî destpêkerdene. Çalakîya ke çarçewa Hemleya Dem Demê Azadîye yo de yena kerdene, hewteyê hîrêyenî de ya.

Bajaranê Stuttgart, Heilbronn, Esslingen, Ludwigsburg, Reutlingen, Freiburg, Ulm, Bodensse, Forsheim û Boblingenî yê Almanya ra grûba 70 kesan çalakîye dewer girewte. Bi nameyê grûbe eşkerayîye ameye dayene. Eşkerayîye de bale ameye antene serê tecrîdê Îmraliyî ser û veng dîya CPT, Parlamentoyê Ewropa û dezgehanê mîyanneteweyî ke wa bêhuqûqîya Îmraliyî biqedînê. 

Planê çalakîya 'Azadîye do ser bikewo-semedê Ocalanî têbigêrê' wina yo:14ê kanûne de hemserekê fedesrayonanê pabesteyê KON-MEDî do tewrê çalakîye bibê. 15ê kanûne de kurdê Fransa do çalakîye dewr bîgirê. 16ê kanûne de enternasyonalîstî û kesê ke karanê dîplomatîkan kenê ra grûbêke do çalakîye dewr bîgirê. 17ê kanûne de kurdê ke bajaranê Dusseldorf û Kolnî yê Almanya ciwîyene do çalakîye dewr bîgirê.