Çalakwanê  Rayraşîyayîşê Dergî yê Fransa û Almanya yo ke semedê azadîya Rayberê Şarê Kurdî Abdullah Ocalanî ame kerdene, ewro Strasbourg de tewrê çalakîya merkezî bîyî. Swîsre, Almanya û Fransa ra bi hezaran kesî îstasyonê trenan ê Strasbourgî de ameyî têhet.

Rixmo ke polîsanê Fransa destûr nêda xeylêk kesî Almanya ra tewrê çalakîye bibê, bi hezaran kesî tewrê ci bîyî. Ciwan û enternasyonalîstê ke tewrê Rayraşîyayîşê Dergî bîyî vernîya çalakîye de ca girewt. Rayraşîyayîş warê Long Distance de qedîya.

Tîya programî bi rêzgirewtişî dest pêkerd. Verî Hemserekê KCDK-E Fatoşe Goksugur û Yuksel Koç vejîyayî sehne. Fatoşe Goksungur çalakwanê Rayraşîyayîşê Dergî pîroz kerdî û vat:  ''Ciwanê kurdan, şarê kurdî peyê Abdullah Ocalanî de yê. Dostê ma yê enternasyonalîstî tîya de yê. Ma do çirey vera komployî milê xo çewt nêkerê.''

Dima çalakwananê enternasyonalîstan qisey kerd. Bi nameyê TJK-E zî komplo ame şermezarkerdene.  Badê qiseykerdişan Kawa Urmiyê, Bergin Demir, Azad û Hozan Sidarî deyîrî vatî û Cuneyt Ozdemîrî zî şîîrî wendî.