Xeberdayoxa Rojhelatê Mîyanênî ya Radîo Sverîgesî Cecilia Uddene dîyar kerd ke demo ke Serekkomarê Tirkîya Receb Tayîb Erdogan bîyo mêmanê Qesrê Sipîyî, dîmenê sucanê şerî yê cerganê Dewleta Tirkan vejîyayê warye.

Ame dîyarkerdene ke nêmeyê aşma teşrîna verêne de wesayîtê bêmerdimî yê Amerîka qirkerdişê sîvîlan qeyd kerdê. Gore xebere yew vîdoyî de cesedêkî sivîlî kenê kasaya kamyonete. Xebere de ame vatene ke “nêmeyê aşma teşrîna verêne de mîlîsê Sûrîye yê ke Tirkîya paştî dana ci, guleyî wesayîtê sîyasetmedara kurde Hevrîne Xelefe ser o varnaybî û a erd ra kaş kerdîbî.”

Ame dîyarkerdene ke koma cergan a ke bi nameyê Ahrar al Şarqîya girêdayîyê Dewleta Tirkan a sîyasetmedara kurde qetil kerda û vîdeoyêk vejîyayo meydan ke eynî kome di kurdê destgirêdayî zî qetil kerdê.