Wezîrê Karanê Zereyî Suleyman Soyluyî vizêr medyaya komelkîye ser pê Hetkarê Serekê Pêroyî yê Partîya Karkeran a Tirkîya (TÎP) û Wekîlê Hatayî Bariş Atay heqaret kerd. Heqaretê Soyluyî ra dima zî komêka faşîstan hêrişê Atayî kerd.

Komêka 5 kesan Kadikoy de bi vatişê 'xayînê welatî' hêrişê Atayî kerd. Atay nêweşxane de ame weşkerdene.

TÎPî derheqê mesele de eşkerayîyêke daye û vat: ''Dima ke Suleyman Soyluyî Bariş Atay sey hedef mojna emşo komêka 'nêkifşe' hêrişê ci kerd.''