Ame parekerdene ke 14ê nîsane de leşkeran eşt dewa Zorova ya qezaya Sûrî ya Amedî ser. Semedo ke dêsêkî ser o 'Ma qasê seba ci bimire cuye ra hes kenê' nusîyayo leşkeran sereştiş kerd bahane.

Leşkeran ciwanê dewe meydan de ardî pêser û ciwanêk derb kerd. Dima ke dewijî verê şîdetî vejîyayî leşkeran dewijan rê gefî wendî vat ê do dewe de qereqolêk awan bikerê û ceyranê înan bibirnê. Dîya zanayene ke leşkeran 5-6 saetan dewijan rê teda kerde û 10-12 ciwanî wesayîtan ra siwar kerdî berî.

Ame parekerdene ke leşkeran nê ciwanan rê gefî wendî û şîdet kerd.

Qezaya Çelê ya Colemêrgî de zî polîsanê tirkan serê sibayî eşt xeylêk keyeyan ser û hemwelatîyî Ramazan Dayan, Murat Erdemîr, Kazim Tekînalp, Dildar Kara, Ahmet Yildiz û Eshat Duman destbend kerdî.