Yewîya Sûryanîyan a Ewropa (ESU) bi eşkerayîyêke seba weçînayîşanê herêmîyan ê 31ê adare paştî daye DEM Partî.

ESUyî eşkerayîye de îfade kerd ke îqtîdarê AKP-MHPyî û partîyê sîstemî şaran temsîl nêkenê eqsê ci polîtîkayanê nîjadperestî, dînperest û dewletperestan kenê esas. ESUyî bale ante ser ke serranê 1990an ra nata têgêrayîşê kurdan o sîyasî raştê hêriş, qedexe û tedayan yeno kerdene. 

ESUyî vat: ''Dem Partî wayîrê xeylêl nasname û rengan o. DEM  Partî têkoşînê cuya azade û haştîye yê şaran kena û şarê ma temsîl kena. Têkoşînê şaranê Mezopotamya û Anatolia yo keseba ke xo îdare bikero yeno kerdene qetî do ser bikewo. Ma sey Yewîya Sûryanîyan a Ewropa paştî dana DEM Partî. Ma venga pêro sûryanîyan zî danê ke weçînayîşanê herêmîyan de destek bidê namzedanê DEM Partî û welat û dîaspora de mîyanê xebat û çalakîyan de cabigêrê.''