Swêd de darbeya AKP-MHPyî ameye şermezarkerdene
Swêd de darbeya ke AKP-MHPyî meclîs de kerde ameye şermezarkerdene. Kurdîstanijî û dostê ci vejîyayî meydanan û înan çalakîyî kerdî.
Swêd de darbeya ke AKP-MHPyî meclîs de kerde ameye şermezarkerdene. Kurdîstanijî û dostê ci vejîyayî meydanan û înan çalakîyî kerdî.
Şaristananê Stockholm û Gotebergî yê Swêd de darbeya ke AKP-MHPyî meclîs de kerde ameye şermezarkerdene. Kurdîstanijî û dostê ci vejîyayî meydanan û înan çalakîyî kerdî.
Stockholm
Pê vengdayîşê Meclîsê Cinîyan ê Amara û Merkezê Komelê Demokratîkî yê Kurdan kurdîstanijî, şorişgêrî, elewî, asûrî-sûryanî û keldanîyî verê Parlamentoya Swêdî de kom bîyî û înan darbeya qesre şermezar kerde.
Hemserekê Merkezê Komelê Demokratîkî yê Kurdan ê Swêdî Ridvan Altun, Meclîsê Cinîyan ê Amara ra Ayşe Goktepe, temsîlkarê Yewîya Sûryanîyan a ewropa Metîn Dhawî, Parlamenterê Partîya Çepe Daniel Riazar batalkerdişê wekîlan û tepişîyayîşê înan şermezar kerdî û waşt ke bêrê veradayene.
Wekîlê Partîya Çepe Daiel Rîazatî vat: '' Ma wazenê hînî Swêd çekan nêroşo Tirkîya.'' Metîn Dhawîyî vat: ''Leyla Guven sembola xoverdayîşî ya, tepişîyayîşê aye nêno qebulkerdene.''
Goteberg
Pê vengdayîşê Merkezê Komelê Demokratîkî yê Kurdan ê Gotebergî û Komeleya Cinîyan a Şehîde Sema Kurdistanî kurdîstanijî kom bîyî û înan şîdet û hêrişê dewleta tirke yê vera şarê kurdî şermezar kerdî.
Çalakîye de venga kurdîstanijan û dostanê înan ame dayene ke her hewte roja çarşeme û şemeyî tewrê çalakîyanê şermezarkerdişî yê dewleta tirke yê Brunnparkenî bibê.