Deklarasyonê Karanê Teberî yê Swêdî serkêşîya Wezîra Karanê Teberî Anna Lindh Parlamentoyê Swêdî de ame ercnayene.

Ercnayîşê deklarasyonî de Wekîlê Partîya Çepe ya Swêdî û Vervatoxê Polîtîkaya Teberî ya partîye Hakan Svenneligî qisey kerd ke û pare kerd ke ganî Swêd vera Tirkîya tewirê xo wişk bikero. Svenneligî vat: ''Tirkîya de wekîlê muxalefetî tepişîyenê û artêşa tirke hêrişê şaristananê kurdan kena.''

Svenneligî vat: ''HDP bi gefanê Erdoganî qefilîyayîşî de têrî yo. Dewa bi nameyê 'Kobanê' de 108 sîyasetmedarî seba vengdayîşê şarî yenê sûcdarkerdene. Rejîmê Erdoganî bi hawayêkê antîdemokratîkî sîyasetmedaran mehkum keno û wazeno HDPyî biqefilno. Rixmê ney de dîyalogê Yewîya Ewropa yê bi Tirkîya dewam kenê. Ganî hukmatê Swêdî biwazo ke eke HDP bêro qefilnayene dîyalogê bi Tirkîya wa biqedê.

Destpêkê sibate ra nata rejîmê Tirkîya hêrişê herêmanê kurdan ê Iraq û Sûrîye keno. Tirkîya sey endamêka Konseya Ewropa nê hêrişan kena û nê hêrişan de çekanê NATOyî şuxilnena. No zî eşkera keno ke ganî Swêd çira nêbo parçeyêkê îtîfaqê NATOyî.''