Swîsre seba ke Erdoganî ra xo bxelisno qanûn vurnena
Tirkîya bi îdîaya 'Pê Erdoganî heqerat kerd' Swîsre ra waşt ke xeylêk tenî hukm bikera. Wezaretê Edaletî yê Swîsre çare vurnayîşê qanûnî de dîye ke heqaretê serekdewletan sey sûc qebul keno.
Nê serranê peyênan de Swîsre de mehkemeyê Swîsre de tewr zaf xizmetê hukmatê Tirkîya kenê. Hukmatê Tirkîya Swîsre ra wazeno ke êyê 'pê Erdoganî heqaret kerdo' wa bêrê hukmkerdene.
Radyo û Televîsyonê Swîsre (SRF) pare kerd ke Tirkîya 2016î ra nata wazena ke 30 kesî parekerdişê medyaya komelkîye, propagandaya PKKyî û heqaretê Erdoganî ra bêrê hukmkerdene.
SRFyî xebere bi sernameyê 'Desto derg ê Erdoganî Swêd de yo' pare kerde. Xebere de yeno vatene ke waştişê Tirkîya çend reyî nêameyî qebulkerdene. Redkerdişê waştişan de ame îfadekerdene ke 'PKK Swîsre de rêxistinêka terorî nîya'. La seba 'heqaretê Erdoganî' ra Swîsre ha qanûnê xo vurnena. Seba qanûnî Komîsyonê Wezaretê Edaletî xebate daye destpêkerdene.
