Ciwanan Êlih, Wan, Gever û Cizîre de vera destsernayîşê îradeyî çalakîyî kerdî.

Êlih de ciwanî xeylê taxan de slogananê sey Bijî Serok Apo", "Bê Serok jiyan nabe" û "Ciwan fedaiyê Rêber Apo ne” reyde vejîyayî waran. Polîsan bi TOMA, guleyanê plastîkan û bombayanê gazî hêrişê ciwanan kerd. Ciwanan bi kerra û fîşekanê hewayî cewab da polîsan.

Hetê bînî ra Wekîlanê DEM Partî, Hemşaredaranê ÊLihî, TJA, Meclîsê Mayanê Haştîye, DEM Partî û DBPyî seba beşdarîya mîtîngê 17ê teşrîna peyêne vilawekî vila kerdî.

Xeylê taxanê Wanî de ciwanan çalakîyî kerdî. Ciwanan sloganî vatî, bendî nayî ro û adir vist ta. Polîsan hêrişê ciwanan kerd. Ciwanan bi kerra û fîşekanê hewayî cewab da polîsan. Çalakîyan heta şewe dewam kerd.

Taxanê Cumhurîyet, Esentepe, Kişla û Ormanî yê qezaya Geverî yê Colemêrgî de zî çalakîyî ameyî kerdene.

Taxa Cûdîyî ya qezaya Cizîre ya Şirnexî de ciwanan adir vist ta û Darbeya Qeyûman protesto kerde. Polîsan hêrişê ciwanan kerd. Ciwanan bi kerrayan cewabê hêrişî da.